ЗАПОЧНУВА ВТОРИОТ COCA-COLA ФУДБАЛСКИ КУП

Здрави навики за младите

Пивара Скопје АД, Coca-Cola и проектот „Отворени забавни фудбалски школи“ ја продолжуваат и оваа година заедничката платформа „Coca-Cola куп“ во која се организираат турнири во фудбал и други спортски активности за децата од основните и средните училишта. Основната цел е мотивирање на децата за активно вклучување и практикување физички активности, создавање навики за здрав живот и спортски дух уште од школски денови, пред сè, преку дружење и многу забава.

Учесници во Coca-Cola купот ќе бидат преку 1.000 ученици од околу 90 основни и средни училишта од 10 општини во Македонија, момчиња и девојчиња на возраст од 13 до 16 години. Турнирот започнува утре, 27 Април со првите фудбалски натпревари во општините и завршува со полуфиналните натпревари и финалето кои ќе се одиграат на 2 јуни.
Партнер на Пивара Скопје АД и Coca-Cola во овој проект е меѓународната организација „Отворени забавни фудбалски школи“.

„Нашиот проект треба да послужи како пример за соработка на граѓанскиот сектор, бизнисот, образовните установи, и општините, дотолку повеќе што во неговото средиште се децата и нивниот правилен развој. Успешноста на овој проект е во тоа што им овозможува на децата да го доживеат фудбалот и воопшто спортувањето како можност за дружење со пријателите и семејството, забава, смеа и споделување заеднички моменти. Многу ни е драго што проектот е долгорочен и од година в година има сè поголем интерес, градиме генерации на деца кои во иднина ќе негуваат здрави животни навики.‘‘ рече Цено Александровски, претставник на меѓународната организација „Отворени забавни фудбалски школи“.
По успешниот минатогодишен Coca-Cola куп, во кој 700 деца од 70 училишта од 8 општини, одиграа 20-тина натпревари, се очекува оваа година интересот и посетеноста на натпреварите да биде уште поголем.

Полна чаша на Instagram