ЈУБИЛЕЈНО ПРИЗНАНИЕ ЗА ПИВАРА СКОПЈЕ ОД СОС ДЕТСКО СЕЛО
На свечената церемонија која СОС Детското Село ја одржа по повод јубилејот, 15 години од своето постоење, на Пивара Скопје и беше доделена јубилејна плакета во знак на благодарност за континуираната и долгогодишна поддршка која компанијата и ја дава на оваа организација.
СОС Детско Село Македонија е меѓународна невладина организација која згрижува околу 100 деца и младинци. Нејзината основна мисија е социјална заштита на сите деца во ризик, особено на оние кои немаат родители и родителска грижа и оние чии семејства живеат во тешки услови.
Во 15-те години постоење на организацијата, Пивара Скопје, преку спонзорства и донации, несебично ги поддржува активностите кои таа ги спроведува за промовирање и почитување на правата на децата.
СПОДЕЛИ:
