ОГЛАС ЗА РАБОТА: АГЕНТ ЗА ГРИЖА ЗА КОРИСНИЦИ
Работна позиција исполнета со предизвици, проектни и работни задачи, наменски обуки и можност за личен и кариерен развој.
Што е тоа што го бараме:
- Високо образование (BSc);
- Најмалку една година работно искуство во контакт-центар и грижа за корисници;
- Одличен однос кон клиенти и потрошувачи;
- Одлични вербални и писмени комуникациски вештини;
- Добро познавање на MS Office ‒ Word, Excel, Power Point;
- Напредно познавање говорен и пишан англиски јазик.
Краток опис на основните одговорности:
Се грижи и раководи со сите влезни и излезни повици на клиенти, нивни барања, поплаки и прашања од потрошувачи и други партнери во согласност со компаниските процедури, законските регулативи и корпорациските стандарди на Coca Cola HBC & Heineken.
- Управува со сите влезни и излезни повици од клиенти и потрошувачи, ги адресира и ги решава нивните барања и ги препраќа на повисоко ниво доколку има потреба;
- Изготвува налози за нарачки од влезни и излезни повици, нуди производи од портфолиото на компанијата, ги информира клиентите и потрошувачите за цени и го поддржува тимот за продажба во креирањето нарачки;
- Управува со барањата од внатрешни и надворешни клиенти и потрошувачи согласно процедурите „front office“;
- Креира барања во систем за потребата од ладилници и инсталации за точено пиво и обезбедува извештаи;
- Иницира интензивна меѓусекторска комуникација со цел беспрекорна услуга кон клиентите и потрошувачите;
- Секојдневна комуникација со дистрибутивните центри за достапноста на производи, количини и промоции;
- Ги разгледува сите релевантни фактори и користи соодветни критериуми и принципи при донесувањето одлуки;
- Контактира со клиентите и потрошувачите и креира внатрешни истражувања за задоволството во однос на тикетите и општо за работењето со Пивара Скопје АД;
- Континуирано се обидува да воспостави и да развие можности и начини за задоволување на потребите на клиентите и потрошувачите;
- Обезбедува лична посветеност и презема акција за континуирано подобрување на процесите и системот;
- Работната рутина ја приспособува кон беспрекорна поддршка согласно системот, корпоративните иницијативи и најдобрите внатрешни практики.
Работниот однос се заснова врз определено време од 6 месеци, со можност за продолжување на договорот на неопределено време. Неделното работно време за позицијата е од понеделник до петок, 8 работни часа.
Избор на пријавените кандидати ќе се изврши во рок од 45/90/120 дена по истекот на рокот за пријавување во зависност од бројот на пријавени кандидати.
Со праќање на Вашата апликација давате согласност вашите податоци да бидат задржани и користени од компанијата во рок од 1 (една) година.
Како да аплицирате:
Кандидатите што ги исполнуваат наведените квалификации треба да аплицираат на следниот начин:
Да пратат своја кратка биографија и писмо за интерес (на англиски и на македонски јазик) на следната електронска адреса recruitmentteam.pivaraskopje@cchellenic.com со назнака називот на позицијата „Агент за грижа за корисници“, најдоцна до 12.3.2019 година.
Пристигнатите апликации по рокот предвиден за пријавување нема да бидат земени предвид.
