10 ЗАБАВНИ ФАКТИ ШТО НЕ СТЕ ГИ ЗНАЕЛЕ ЗА FANTA

Знаеме дека Фанта е симбол за забава, драгоцени моменти на игра со пријателите и најголем „multiflavor“ бренд во светот. Но кои се оние помалку познати факти кои ја градат приказната на Fanta во повеќе од 190 земји?

1. Почетоците на Fanta се во раните 40-ти години на 20 век во Германија, но модерната Fanta Orange настанала во италијанскиот град Неапол во 1955 година. Се подготвувала со користење на локални цитрусни состојки, а ја произведувала и продавала Coca – Cola Export Corporation.
2. Fanta е вториот најстар бренд на The Coca – Cola company и втор најголем бренд надвор од границите на САД.
3. Името Fanta доаѓа од зборот “Fantasie” што во превод би било „фантазија“, а во светот постојат и некои варијации на името, на пример во Панама се вика Kist.
4. Познатиот индустриски дизајнер Рејмонд Луи осмислил меѓу 25 и 30 предлози за изгледот и логотипот на Fanta шишето, за на крај да бидат избрани шишето со заоблен дизајн и “twin-peak” лого дизајнот на Луи.
5. Fanta брзо се раширила на други пазари вклучувајќи ги Јужна Африка и САД, а денес е достапна во повеќе од 190 земји.
6. Во 1969г. Fanta со вкус на портокал бил најпродаваниот вкус во светот и со слоганот „Толку добра што ќе посакаш да ожедниш“ започнува да се позиционира, користејќи ја уметноста како живописен бренд со разиграни бои.
7. 1979г. во согласност со стратегијата за глобална експанзија, Fanta почнала да се продава и во Советскиот Сојуз .
8. Долго време Костарика имала ексклузивен Fanta вкус, Kolita. Била особено популарна во Централна Америка во осумдесеттите и деведесеттите години на20 век. Kolita се уште е достапна во Костарика.
9. Меѓу 2000г. и 2008г. Fanta влегува во доменот на „Игриците“ и „Разиграната Фантазија“ на тинејџерите повикувајќи ги да бидат креативни, спонтани и не така сериозни. Во таа насока е лансирана “Fantanas” кампањата во САД.
10. Меѓу 2008г и 2014г. се појавува нов правец во комуницирањето на брендот Fanta со вклучување на анимирани ликови кои се развивале низ годините.