ОГЛАС ЗА РАБОТА: КОНТРОЛОР НА МАТЕРИЈАЛИ И ЗАЛИХИ
Работна позиција исполнета со комуникација, предизвици, проектни и работни задачи и можности како за личен развој така и за кариера.
Што е тоа што бараме:
- ВСС – VII/1 степен,
- Одлични усни и писмени комуникациски вештини,
- Знаење за одржување бази на податоци,
- Искуство во подготовка на презентации и извештаи,
- Најмалку 2 години работно искуство во управување со канцеларија, вршење технички и административни задачи,
- Прецизно и точно управување со податоци и документи,
- Одлично познавање на Microsoft Word, Excel, PowerPoint, Интернет,
- Одлично познавање на деловниот англиски јазик,
- Подготвеност за континуирано учење и развивање на нови знаења и вештини, усвојување на нови технологии и методологии со цел постојано подобрување на личните вештини и
- Возачка дозвола, Б-категорија.
Краток опис на основните одговорности:
Го следи движењето на целиот асортиман на готови производи, амбалажа, суровини и материјали за пакување што ги поседува Пивара Скопје и управува со повратната амбалажа. Управува со административни активности, за да се обезбеди ефикасна координација на текот на работата,
- Подготвува оперативни извештаи за работењето на Логистика, за влијанието на клучните финансиски индикатори,
- Со соодветни анализи, информации и со добра проценка предложува план на дејствување за да се подобри оперативното работење,
- Спроведува процедура за враќање на готов производ од пазар,
- Раководи со распоредување на амбалажата за безалкохолни пијалаци и со пивската амбалажа,
- Спроведува месечен попис и ги разгледува разликите од пописот, и предлага план на активности,
- Управува и ја контролира точноста на инвентарот со постојана проверка,
- Обезбедува внатрешна контрола на статусот на залихата,
- Обезбедува точност на системот за управување со залихата и се грижи за трансфер на документите преку SAP системот,
- Работи во согласност со политиките и постапките за продажбата на компанијата,
- Посветен е на културата за иновации и имплементација на нови процедури, за подобрување на тековното работење.
Работниот однос се заснова на определено време од 6 месеци, со можност за продолжување на договорот на неопределено време. Неделното работно време за позицијата е од понеделник до петок, 8 работни часа.
Избор на пријавените кандидати ќе се изврши во рок од 45/90/120 дена по истекот на рокот за пријавување во зависност од бројот на пријавените кандидати.
Со испраќање на Вашата апликација, давате согласност вашите податоци да бидат задржани и користени од компанијата во рок од 1 (една) година.
Како да се аплицира:
Кандидатите кои ги исполнуваат наведените квалификации треба да аплицираат на следниов начин:
- да испратат свое CV (англиски и македонски јазик) на следната e-адреса recruitmentteam.pivaraskopje@cchellenic.com и да го назначат називот на позицијата – контролор на материјали и залихи, најдоцна до 30.09.2018 год.
Пристигнатите апликации по рокот предвиден за пријавување, нема да бидат земени предвид.
